Backbord Zimma

WELCOME ABOARD!

Do herrschd wos Maritims. Bullaugn, Schiffsplankn, Treibhoiza, sowia a echde Seekardn vo da Deidschn Bucht zoang Eahna an Weg. Ois deid auf a enge Bindung nach Norddeidschland hi. Klar, dass im Hotel AMMERLAND mindestns oa Zimma nach seim Nama gebn muaß! Des Ammerland liegt umara 800 km vo Oberbayern weg.

Gräßare Schtädte rundrum san Oldnburg und Bremen. D` Familie vo da Carolin  Block, derer des Hotel ghärt,  is ausm Ammerland - gnauer aus Bad Zwischenahn. Und wias 1960 an Vadda duach sei Liab, ins Herz vo Bayern verschlong hod, hod a oafach a Schdückerl Hoamad midgnumma und des Haus mid seina Ehefrau na AMMERLAND daufd!