Preisvergleich...

 
 
 
Fitness und Wellness Hotel in Ingolstadt
Hotelzimmer mit Frühstück in Ingolstadt

Ammerwald DAhoin & Schbordln

DO HOM MA OFFA
DAHOIN Mo - So 17-22.30 Uhr
SCHBORDLN Mo - So 6.30-22.30 Uhr

Gern a zu andre Zeidn. Ganz auf Eahna obgschdimmd, auf Ofrog!

Zudrid ab 16 Johr (Mia hom a a "Familienlösung" für Eidan mid Kindan! Bitte an da Rezeption dafrong.)

SCHBORDLN - Ammerland Fidness

As SCHBORDLN: An kloaner, aber feina Fidnessraum üba de Dacherl vo da Schdod rundn unsa Weinessangebot ob.

Schenka`S Eahnara Krafd frein Raum. In unsam guad eigrichdm Fidnessraum mid Brofigerädn ausm Haus TechnoGym kenna´S Eahnan Körpa richdig "AUFDRAHN" um hernach zu endschbanna und abzuschoidn! Spürn`S wia neie Lebnskrafd Eahnan Körpa duachfludn, Endschbannung und Verkrampfung am Rundum-Woigfuih ausm Weg genga!

TSCHOGGING INS GRÜNE: An idealer Tschoggingweg, endlang Wiesn und Feida, fangd hinterm Hotel glei o und herd a do wieda auf. Do kumma`S auf umara 5,8 Kilomeda in da Friah richdig in Schwung und kenna sich bei am erfrischndn Lauf duachd` Natur dahoin. Den Plan zum Rundweg und vui mehr Tschogging-Rudn, gibts vo uns AMMERLÄNDERN!

TIPP: Wenn`S sich gern Nordic-Woking Schdeckerl ausleihn mechdn, erhoidn`S de an da Rezeption.

Obschoidn & Obküin

Gniaßn`S -nach so vui Hitzn in finnischa Sauna, Biosauna oda nach ner Infrarod Behandlung- de eiskoide "Abreibung" an unsam Eisbrunna. Wers a weng langsama ogeh mechd erfrischd sich zersd auf oana vo unsre zwoa Penthaus-Terrassn, bevor a erfrischnds Duscherlebnis foigd.

In unsra Erlebnisbrausn, fangas vielleichd mid Kneibb-Güss o, draun sich unda den Wassafoi, de Schdachlbrausn oda gniaßns an "Bergsommaregn und a de Rengbrausn".

Gönna`S sich a Pause vom Dogn und Konferiern, vom Seidsiing und Shoppen und nutzn`S do de Zeid zum OBSCHOIDN! De Hitznbank mid Fuaßbod rundn den Obschluß vom Dog in unsam AMMERWOID bassnd ob.

Infrarod Diafnhitzn

Hitzn wirgd ofdmois Wunda und werd scho seid Johrdausnd zur Behandlung verschiednsda Beschwerdn ogsetzd. De positive Wiakung vo da Infrarodhitzn is a echds Verwöhnbrogramm für Eahnan Körpa, Eahna dient aba net nur de Endkrampfung vo de Muskeln, sondern a de Woidad fürn ganzn Organismus.

LANGE WONGFAHRD oda wida moi lang in wichdige Mietings gsessn? Mia kenna den Oidog vo unsre Business-Gäst. Deshalb kummd de Diafnhitzn vo unsra Infrarodkabina a rechd guad o: Verschbannunga kenna glösd, Rücknschmerzn glindad, des Immunsysdem gschdärgd, da Schdoffwechsl erhöhd und` Endschlackung bzw. Entgifdung gfördad wern. .... und des ois, OHNE lang zum schwitzn! 15 Minudn Diafnhitzn, wiakn sogar duachs Gwand bzw. Eahnan Bodmandl duach und Sie kenna dawei no bequem a Buach lesn oda Eahna Tebled bediena.

Biosauna

Unsare Biosauna! A echde Woitad. Des ognehme 60° Schwitzbad mid seim muidn, erfrischndn Glima endschlackd und entgifd auf schonende Ard. Soboid sich da Körpa an de sanfde, woige Hitzn gwond hod, fangd da Vitalisiernde Regenerationsbrozess.

TECHNIG & DESEIN: Vui AMMERLAND-Gäste schwärma vo unsra Biosauna, Sie "hom sich dord bsondas woigfuihd." - Des gfreid uns freili! Denn mia wissn, grod für den woign Cocooning-Effegd sorgn net nur de bequema Körpaformsitz, des schdimmungsvoie Farbnliachd-Konzebd, sondan a de raffinierde Technig hinda de Fassadn. Da audomadische Duft- und Luftfeichtigkeids-Erzeiger und de nachhoidig vorgheizde Stoanawand, im Format edla Deseinerfliesn im "Kroko-Luk" rundn as Buidl bassnd ob.

Finnische Sauna

Endschbanna`S Eahna in unsra finnischn Sauna. Bringa`S n Kreislauf in Schwung und schdeigern`S Eahna Woibefindn im finnischn Schwitzbad. In unsam Dahoin-Glassiga schwitzn`S sich bei umara 90° gsund. Denn de hoasse, trockne Lufd huifd bei Kreislaufschdörunga, schdärkd as Herzerl und huifd, de Muskln zu duachbludn, und beigd Erkeidunga vor.

TIPP: Schdöbern`S gern bei unsare adragdivn Wochaendbackal. Wia wars mid am lustign Shoppen-Dog im Inglschdod Village oda am romandischn Ausflug in Naturpark Oidmüital... vui Möglichkeidn, de sich guad mid am endschbanndn Omd im AMMERWOID DAHOIN&SCHBORDLN kombiniern lassn!

Endfernungen vom Hotel

A9 Autobahn 0,5 km Inglschdod Village 3 km
Hist. Altstadt ING 3 km Saturn Arena 3,4 km
AUDI AG 3,5 km Messe MUC Riem 81 km
City-Nordbahnhof 2,5 km Flughafn Minge 71 km
IN-Hauptbahnhof 5 km Inglschdod Flughafn 10 km

Hotel Ammerland

Hermann-Paul Müller Str. 15
85055 Ingolstadt
Tel.: +49 841 95345-0
Fax: +49 841 95345-45
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Unsa Hotel auf Facebook

Hotel Ammerland in Ingolstadt auf FacebookWerdn's Fän vo unsra Facebook-Seidn so kriangs ois Neie rund um unsa Hotel.

Auszeichnunga