Preisvergleich...

 
 
 
Fitness und Wellness Hotel in Ingolstadt
Hotelzimmer mit Frühstück in Ingolstadt

Nur für Eahna

Sie mechdn im Urlaub net auf Eahnan gwohndn Oschbruch in pungdo Woibehagn verzichtn?


Mia AMMERLÄNDER heifa Eahna dabei.

Allergiker Zimma

A Allergie zum hom is scho Herausforderung gnua.

    - Bsondas auf Reisn!

Mia möchdn unsare Gäst a in dem Pungd entgegn komma und hom desweng schbezielle „Allergikerfreindliche Zimma" mid bsondra Bedwasch und Bodnbelag!

Bitte reserviern`S rechdzeidig, damid Eahnare Wünsch berücksichdigt wern kenna!

Buachbar auf Ofrog, nach Verfüagbarkeid.

Bodmandl Service

Sie reisn mid am kloan "Handgepäck-Trolley", damid es bei Zug und Flugzeig schneller geht?

         .... dann had da gliabte Bodmandl vo dahoam, beschdimmd koan Bloz mehr!

Koa Broblem!

An flauschign Leihbodmandl kriangs üban ganzn Aufendhoid an da Rezeption bzw. Wenn`S uns bei Buachung Bscheid gem, liegt er scho beim Okumma aufm Zimma. Leihbreis: 5,00 € /Schtk. Erhältlich in Gräß S und XL oiwei mid Kabuzn. Froddebodschua kenna`S Eahna für 3,50 € bro Boa kaffa.

Wenn Eahna unsa Bodmandl gefoid, kenna`S n an da Rezeption für 70,00 € kaffa.

Kissn-Bar

"Wia ma sich bedet, so liegt ma!" Ohne Kopfkissn hod da Körpa koan Hoid. Sie soitn Gräß und Material den ganz persönlichn Schlafgwohnheidn obassn. Eahna persönlicha Schlafkomfort is uns wichdig, desweng kennas bei uns im AMMERLAND vo dene Kopfkissn aussuacha:

  • 60 x 80 Daune
  • 40 x 80 Allergiker Hoifaser-Bällchn
  • Nacknschdützkissn: schtütznd/soft. Füllung: Visco-Elast. Schaum
  • Dinkl-Kissn: endlasd an Nackn & Schuida. Füllung: Dinklsbeiz
  • Rosshorkissn: federndobassungsfähig. Füllung: Rossschweifhor

TIPP: Wenn`S uns scho bei Eahnara Buachung Eahnare Wünsch midteiln, liegd "Eahna Liablingskissn" scho do, wenns Kumma. :-)

Ausschlaffa Garantie!

Tapetnwechsl! Zeid zu zwoad! Raus aus m Oidog! Den Dog „endschleinigen"!

.... De Schlogwörda und Gründ hom uns verolassd, unsa Frühschdück am Wochaend bis eife zu verlängern! Und dene, wo eife net reichd, wei de „Kissenschlacht" vom Voromd bis schbäd ind  Nachd dauerd hod, de kriang Eahna Frühschdück oafach ans Bed! (Buachbar auf Vorbeschdellung).

TIPP: Fois für Eahna "brivade Kissnschlachd" a paar Zusatzkissn im Zimma braucha, san mia AMMERLÄNDER  a für de Gaudi zu hom. Bitte gem`S uns bei Buachung oafach des SCHDICHWORD: "Kissnschlachd" mid o und scho homs bei Anreise gnua "Kissn-Munition" auf Eahnam Bed.

SKY Pardna Hotel

Das Hotel Ammerland is a SKY Pardna Hotel mid Top Schpuifuim und Schbordheileids exglusiv für unsare Hotelgäst umsonsd! In de HotelZimma erwartn Eahna verschiedne HD-Sender in deitsch und englisch.

  • UNIVERSAL Tschennl HD
  • MGM HD Tschennl
  • National Geographic HD
  • Fox HD
  • Adlantic HD
  • Disney Tschenl HD

Liaba Acdschn? ....dann Bsuacha`S unsa AMMERLAND Hotel-Bar mid dem SKY-Schbordsbar Brogramm. Für olle Fuaßboifäns - Bundesliaga haudnah!

„DVD – Wias`D mogsd"

Kummd Eahna des bekannd vor...

...ma hod a Liablingsserie, an die ma sich gwöhnd hod und de man sich gern ois „Bedhupferl" oschaut.

Deswegn kafft sich da oa oda andre „sei Soafa" auf DVD um koa Foign zu verbassn. Nur bläd, wenn ma auf Reisn der Gwohnheid net noch komma konn!

Im AMMERLAND geht des!

Denn mia hom in unsre Hotelzimma an DVD Schpuia für unsre Kundn inschdallierd. Vui Gaudi beim ausbrobiern!

Kindaschbuibloz

Heit auf da Fahrd zum Hotel:

„San mia scho do?"

„Wia lang dauerds na no?"

„Mia is soooooo langweilig!"

„Ich konn net mehr sitzn!"

...Lange Wongfahrdn san für Erwachsne und bsondas für Kinda, oftmois rechd oschdrengnd.

Umso scheena, wenn ma nach Okunfd im Hotel die Möglichkeid hod sich am benachbardn Schbuilbloz auszutobn. - So a bei uns im AMMERLAND. An schee oglegdn Kindaschbuibloz, für unsre Kloan findn`S grod 50m rechds vom Hotel. A  Dischtennisblattn schdehd do für de „Gräßern". Vui Gaudi dord!

Romandik-Service

Happy Valentin, Oajährigs, Zwoajährigs, Heiradsodog, Verlobung, Hochzeidsnachd oda Hochzeidsjubiläum...

- es gibt so vui bsondre Anläß`!

ABA: Kenna`S des? Sie mechdn Eahnam Herzbladl an unvergesslichn Momend schenga, hom im ganzen Oidogslebn gor net so de Muse und a net des Handal, oda die Zeid sich um liabvoie Kloanigkeidn zu kümmern.

Wurschd weiche romandische Idee in Eahna schlummad.... Gern heifa mia AMMERLÄNDER , mid individueie Übaraschunga und Arangschmos, für romandische Anläss. Wia wars Wenn`S Eahna Liabste mid am "Rosn-Bed" übaraschn? Frang`S uns, mia san gern mid Eahna zam greadiv :o)

Endfernungen vom Hotel

A9 Autobahn 0,5 km Inglschdod Village 3 km
Hist. Altstadt ING 3 km Saturn Arena 3,4 km
AUDI AG 3,5 km Messe MUC Riem 81 km
City-Nordbahnhof 2,5 km Flughafn Minge 71 km
IN-Hauptbahnhof 5 km Inglschdod Flughafn 10 km

Hotel Ammerland

Hermann-Paul Müller Str. 15
85055 Ingolstadt
Tel.: +49 841 95345-0
Fax: +49 841 95345-45
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Unsa Hotel auf Facebook

Hotel Ammerland in Ingolstadt auf FacebookWerdn's Fän vo unsra Facebook-Seidn so kriangs ois Neie rund um unsa Hotel.

Auszeichnunga